七師傅妳點解可以咁「腩」好笑😂

其實唔想日日講《七救星》，不過這節目實在太「腩...

七師傅妳點解可以咁「腩」好笑😂

其實唔想日日講《七救星》，不過這節目實在太「腩」(七師傅口音)好笑，唔提下唔得！

明明係一個以風水玄學助人的節目，七師傅又全程一臉認真去助人，但製造出來的，卻完全係喜劇效果，真係一個相當奇特的節目，師傅的喜劇潛質，隨時勁過她的法力！

部分喜感來自師傅的口音，如小肥那集的「打救你」和「腩樣」，不過為了幫小肥增肥，全部主持都要著晒吹氣公仔衫，仲要勇闖架步參觀，真係笑到甩肺！小肥這集玩滑翔傘的畫面睇得相當舒服，他的清唱真係唔錯，希望可以改運啦。

幫郭奕芯捉孤狸精一集，一直都頗為正常，臨尾收她為徒，改名「八鮮乳」呢野又係爆笑到喊，師傅的搞笑功力真厲害！不過，妳叫郭奕芯點用「八鮮乳」這個法號出街見人呀！

個人很少看風水玄學節目，今次當搞笑節目睇，又可以令我集集睇晒，神奇😂

#七救星 #七師傅 #viutv #七仙羽 #八鮮乳 #師傅愛你

---